Məşhur insayder Samsung Galaxy A24 barəsində yeni məlumatlar verib

    Roland Quandt adlı məşhur insayder Samsung-un növbəti büdcəli smartfonu barəsində məlumatları təqdim edib. Söhbət, Samsung Galaxy A24-dən gedir. İnsayderin sözlərinə əsasən Galaxy A24 smartfonu 90 Hz-lik təsvir yenilənməsinə sahib Full HD+ keyfiyyətli 6.5 düym AMOLED ekran ilə təchiz olunacaq. Smartfon MediaTek Helio G99 prosessoru vasitəsilə çalışacaq və özündə 4 GB RAM-ı, 128 GB daxili yaddaş həcmini və 5000 mAh enerji tutumlu batareyanı birləşdirəcək. Kameralara gəldikdə isə Galaxy A24 smartfonu 50 MP + 5 MP + 2 MP üçlü arxa kameraya və 13 MP-lik ön kameraya sahib olacaq. Galaxy A24 yaxın zamanda təqdim olunmalıdır.