Microsoft şirkəti 2 ədəd daxili ekrana sahib Surface Duo smartfonlarından imtina edib

Microsoft şirkəti 2 ədəd daxili ekrana sahib Surface Duo smartfonlarından imtina edib

Mobil Cihazlar
12.01.2023 PAYLAŞIM

    İnsayderlərin verdikləri məlumata əsasən Microsoft şirkəti iki ədəd daxili ekrana sahib Surface Duo smartfonlarından imtina edib və şirkətin növbəti smartfonu digər brendlərin qatlana bilən smartfonları tərzində reallaşdırılacaq. Məlumatda qeyd edilib ki, uzun müddət ərzində olmuş təcrübələrdən sonra şirkət 180 dərəcə qatlanmanı təmin edən şarnir konstruksiyasına və əlavə xarici ekrana sahib ənənəvi qatlana bilən smartfon dizaynına keçid etmək qərarını verib. Beləliklə növbəti Surface Duo modeli xarici görünüşcə Galaxy Z Fold seriyasını xatırladacaq. Məlumata əsasən ənənəvi qatlana bilən smartfon dizaynına keçid etmək qərarı Surface Duo 3-ün final dizaynının seçilməsindən sonra qəbul edilib.

    Surface Duo seriyasına xas olan dizayna sahib Surface Duo 3-ün bu ilin sonunda satışa çıxarılması planlaşdırılırdı. Nəticədə şirkət bu cür ideyadan imtina etdi. İndi isə Surface komandası ənənəvi qatlana bilən smartfon konstruksiyasının hazırlanmasına öz diqqətini ayırıb. Surface Duo seriyası üçün yeni olacaq dizayna sahib növbəti smartfonun texniki özəllikləri barəsində hələ heç bir məlumat yoxdur. Smartfonun nə zaman satışa çıxacağı da bilinmir. Təbii ki, smartfon dizaynının dəyişilməsi onun adının da dəyişilməsinə səbəb ola bilər. Heç istisna deyil ki, şirkət smartfonun adındakı Duo hissəsindən imtina edərək rebrendinq etsin. Bununla belə insayderlər bildiriblər ki, hazırlanan yeni smartfon şirkət daxilində hələ ki, Surface Duo 3 kimi qəbul edilir.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Coca-Cola-nın ilk smartfonu ColaPhone-nun fotosu təqdim edilib

Verilmiş məlumata əsasən Coca-Cola şirkəti öz smartfonunu təqdim etməyə hazırlaşır.


Galaxy S23 Ultra yeni unikal gecə çəkilişi rejiminə sahib olacaq (VİDEO)

1 fevral tarixində Samsung şirkəti Galaxy Unpacked 2023 tədbirini keçirdəcək və həmin tədbir çərçivə..


Huawei P60 Pro-nun texniki özəllikləri və arxa kamera dizaynı təqdim edilib..

Çinin Weibo sosial şəbəkəsində Huawei P60 Pro flaqman smartfon modelinin texniki özəllikləri barəsin..


Android smartfonlarla müqayisədə iPhone-ların yığılmasında 12 dəfə daha çox zavo..

Foxconn zavodlarında iPhone-lardan əlavə olaraq Android smartfonlar da istehsal edilir.


Bütün Samsung Galaxy S23 smartfonlarının texniki özəllikləri məlum olub

1 fevral tarixində Samsung şirkəti yeni Galaxy S23 smartfon seriyasını təqdim edəcək.


OnePlus Nord CE 3 smartfonunun real fotoları təqdim edilib

Mysmartprice saytı hələ təqdim edilməmiş OnePlus Nord CE 3 smartfonunun real fotolarını təqdim edib...

×