Mobil cihazlar sahəsi tarixində ən  çox satılmış 15 cihazın reytinqini təqdim edilib

     Visual Capitalist adlı media şirkətin analitikləri mobil cihazlar sahəsi tarixində ən  çox satılmış 15 cihazın reytinqini təqdim ediblər. Təqdim edilmiş reytinq demək olar iki brend arasında bölüşdürülüb. Onlardan hal-hazırda isə yalnız biri aktiv fəaliyyətdədir. Beləliklə reytinqin birinci pilləsini Nokia 1100 mobil telefonu tutub. Məlumata əsasən sözügedən mobil telefon 250 milyon satış göstəricisinə sahibdir. İkinci yeri Nokia 1100-ın digər bir versiyası tutub. Onun satış göstəricisi isə 248 milyon təşkil edib.

     Üçüncü yerdə iPhone 6 və 6 Plus smartfonları qərarlaşıblar. Sözügedən smartfonların ümumi satış göstəricisi 222 milyon təşkil edir. iPhone 6 və 6 Plus modelləri üstəlik Apple şirkətinin iPhone tarixi üzrə ən çox satılmış modelləri olublar. iPhone 6 modeli isə o qədər məşhur olub ki, 2017-ci ildə o, Hindistan və Çin bazarlarında yenidən satışa çıxarılıb. Üçüncü yerdən sonrakı yerləri öz aralarında demək olar Apple ilə Nokia bölüşdürüblər. İstisna hal kimi 14-cü yeri qeyd etmək lazımdır. Belə ki, 14-cü yeri 150 milyonluq satış göstəricisi ilə Samsung E1100 tutub.