Moto G54 5G-nin texniki göstəriciləri ortaya çıxıb

    Artıq məlumdur ki, Motorola 5 sentyabr tarixində Çində Moto G54 5G smartfonunu təqdim edəcək. İndi isə Moto G seriyasının bu yeni modelinin texniki göstəriciləri internetdə ortaya çıxıb. Beləliklə ortaya çıxmış texniki göstəricilərə əsasən Moto G54 5G smartfonu 120 Hz-lik təsvir yenilənməsinə sahib Full HD+ keyfiyyətli 6.5 düym IPS ekranla təchiz olunacaq. Smartfon MediaTek Dimensity 7020 prosessoru vasitəsilə çalışacaq və özündə 8/12 GB RAM ilə 128/256 GB daxili yaddaş həcmini birləşdirəcək. Bununla yanaşı smartfon 50 MP + 8 MP ikili arxa kameraya, 16 MP-lik ön kameraya və 30 vatt gücündə sürətli şarj texnologiyalı 6000 mAh enerji tutumlu batareyaya sahib olacaq.