Moto G54 smartfonunun texniki göstəriciləri təqdim edilib

    Keçən həftə məlumat ortaya çıxmışdı ki, Motorola şirkəti Moto G smartfon seriyasının növbəti modeli üzərində çalışır. Söhbət, Moto G54-dən gedir. İndi isə insayderlər sözügedən yeni smartfonun texniki göstəriciləri barəsində məlumatlar veriblər. Beləliklə insayderlərin sözlərinə əsasən Moto G54 smartfonu 120 Hz-lik təsvir yenilənməsinə sahib Full HD keyfiyyətli 6.5 düym ekranla təchiz olunacaq. Smartfon Snapdragon 480 prosessoru vasitəsilə çalışacaq və özündə 8 GB RAM-ı və 5G modemini birləşdirəcək. Məlumatda həmçinin qeyd edilib ki, Moto G54 smartfonu 50 MP-lik əsas arxa kameranı, 16 MP-lik ön kameranı və 5000 mAh enerji tutumlu batareyanı əldə edəcək. Smartfonun nə zaman təqdim olunacağı hələ bilinmir.