Moto G84 5G smartfonunun təqdimatı anons edilib

    Bir neçə gün bundan öncə məlum oldun ki, Motorola şirkəti Moto G seriyasının yeni smartfonu üzərində çalışır. Söhbət, Moto G84 5G-dən gedir. İndi isə şirkət rəsmi şəkildə bu smartfonun təqdimatını anons edib. Şirkətin rəsmi anonsuna əsasən Moto G84 5G smartfonu 1 sentyabr tarixində Hindistanda təqdim ediləcək. Smartfon 120 Hz-lik təsvir yenilənməsinə sahib Full HD+ keyfiyyətli 6.55 düym pOLED ekran ilə təchiz olunacaq və Snapdragon 695 prosessoru vasitəsilə çalışacaq. Bununla yanaşı o özündə 12 GB RAM-ı, 256 GB daxili yaddaş həcmini, 50 MP + 8 MP ikili arxa kameranı və 30 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək.