Moto G84 smartfonunun satış qiyməti ortaya çıxıb

    Artıq sabah Motorola şirkəti Moto G seriyasının yeni modelini təqdim edəcək. Söhbət, Moto G84-dən gedir. Təqdimatdan bir gün qabaq bu smartfonun satış qiyməti barəsində məlumat ortaya çıxıb. Beləliklə ortaya çıxmış məlumata əsasən satışlara start verilən gün Moto G84-ün qiyməti 240$ təşkil edəcək. Lakin daha sonra onun qiyməti 280$-a yüksələcək. Smartfon yalnız bir versiyada satılacaq. Söhbət, 12 GB RAM-a və 256 GB daxili yaddaş həcminə sahib versiyadan gedir.

    Son məlumat sızıntılarına əsasən moto G84 smartfonu 120 Hz-lik təsvir yenilənməsinə sahib Full HD+ keyfiyyətli 6.55 düym pOLED ekran ilə təchiz olunacaq. Smartfon Snapdragon 695 prosessoru vasitəsilə çalışacaq və özündə 50 MP + 8 MP ikili arxa kameranı və 33 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Bununla yanaşı smartfonun gövdəsinin IP54 standartı üzrə sudan qorunacağı gözlənilir.