Artıq sirr deyil ki, Motorola brendi hal hazırda qatlana bilən qapaqlı yeni Motorola RAZR (2023) smartfonu üzərində çalışır. Görünür, sözügedən smartfon bazara iki versiyada satışa çıxacaq. Belə ki, verilmiş yeni məlumata əsasən şirkət Motorola RAZR (2023) ilə yanaşı həmçinin Motorola RAZR+ (2023) modelini də təqdim edəcək. Bununla yanaşı məlumatda qeyd edilib ki, Motorola RAZR+ (2023) modeli 2850 mAh enerji tutumlu batareya ilə təchiz olunacaq və üstəlik 30 vatt gücündə sürətli şarj texnologiyasını dəstəkləyəcək. Smartfon Qualcomm-un flaqman prosessoru vasitəsilə çalışmalıdır. Motorola RAZR+ (2023) modelinin adi Motorola RAZR (2023)-dən başqa hansı özəlliklər üzrə fərqlənəcəyi bilinmir. Gözləntilərə əsasən Motorola brendi bu iki smartfonu yay fəslində təqdim edəcək.