Motorola Edge (2023) smartfonu təqdim edilib - QİYMƏTİ
Cihazlar+
11.10.2023
Emil Nəcəfov
Motorola şirkəti heç gözlənilmədən Motorola Edge (2023) adlı yeni flaqman smartfonunu təqdim edib. Təqdim edilmiş bu yeni smartfon xarici görünüş və texniki özəlliklər baxımından Avropada satılan Motorola Edge 40 Neo smartfonuna bənzəyir. Beləliklə Motorola Edge (2023) smartfonu 144 Hz-lik təsvir yenilənməsinə sahib Full HD+ keyfiyyətli 6.6 düym pOLED ekranla təchiz olunub. Ekranın maksimal parlaqlıq səviyyəsi 1200 nit təşkil edir və onun yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası da birbaşa ekrana inteqrasiya edilib.
Üstəlik Motorola Edge (2023)-ün gövdəsi IP68 standartı üzrə sudan qorunur və özündə stereo səsgücləndiricilər ilə kontaktsız ödənişlər üçün nəzərdə tutulmuş NFC çipi birləşdirir. Əsas texniki göstəricilərə gəldikdə isə Motorola Edge (2023) smartfonu MediaTek Dimensity 7030 prosessoru, 8 GB RAM, 256 GB daxili yaddaş həcmi, 50 MP + 13 MP ikili arxa kamera, 32 MP-lik ön kamera və 68 vatt gücündə sürətli şarj texnologiyalı 4400 mAh enerji tutumlu batareya ilə təchiz olunub. Üstəlik smartfon 15 vatt gücündə sürətli naqilsiz şarj texnologiyasını da dəstəkləyir. Motorola Edge (2023)-ün digər bir əsas üstünlüyü ondadır ki, o, qutudan Android 14 vasitəsilə çalışır. Smartfon artıq satışa çıxıb və 600$-a satılır.
Linki kopyala
Bənzər xəbərlər
Oxşar xəbərlər
OnePlus 12 hansı kameralara sahib olacaq?
OnePlus 12 hansı kameralara sahib olacaq?
OnePlus şirkətinin hal hazırda hazırladığı smartfonlardan biri də OnePlus 12-dir.
Playstation 5-in daha kiçik ölçülü yenilənmiş versiyası təqdim edilib - QİYMƏTİ
Playstation 5-in daha kiçik ölçülü yenilənmiş versiyası təqdim edilib - QİYMƏTİ
Sony şirkəti Playstation 5-in yeni versiyasını təqdim edib.
iPhone 12-də elektromaqnit şüalanması problemini aradan qaldıracaq iOS yenilənməsi hazırdır
iPhone 12-də elektromaqnit şüalanması problemini aradan qaldıracaq iOS yenilənməsi hazırdır
Keçən ayın ortasında məlum oldu ki, Fransada iPhone 12-nin satışları dayandırılıb.
Xiaomi 13T smartfonları bəzi ölkələrdə Leica kameralarsız satılır
Xiaomi 13T smartfonları bəzi ölkələrdə Leica kameralarsız satılır
Xiaomi şirkəti keçən ayın sonunda Xiaomi 13T və 13T Pro smartfonlarını təqdim etdi.
Vivo yeni qatlana bilən smartfonlar üzərində çalışır
Vivo yeni qatlana bilən smartfonlar üzərində çalışır
İnsayderlərin vermiş olduqları məlumata əsasən vivo şirkəti yeni qatlana bilən smartfonlar seriyası üzərində çalışır.
Həftənin xəbərləri
