Motorola-nın yeni smartfonunun fotosu ortaya çıxıb

    Bir neçə müddət bundan öncə Motorola şirkəti Edge 40 Neo adlı smartfonunu təqdim etmişdi. Görünür, şirkət növbəti yeni smartfonunun təqdimatına hazırlaşır. Məlumatda qeyd edilib ki, şirkətin yeni smartfonu XT-2417 model nömrəsinə sahibdir. Ortaya çıxmış fotodan da görmək olar ki, Motorola-nın yeni smartfonu yastı ekran ilə təchiz olunacaq və ikili arxa kameraya sahib olacaq. Məlumatda qeyd edilib ki, Motorola-nın bu yeni smartfonu 50 MP-lik əsas arxa kamera ilə təchiz olunacaq və barmaq izi skanı texnologiyası onun yandırıb/söndürmə düyməsinə inteqrasiya ediləcək. Smartfon barəsində digər bir məlumat yoxdur. Onun nə zaman təqdim olunacağı da bilinmir. Böyük ehtimal ilə yeni smartfon Moto G seriyasına daxil olacaq.