Motorola RAZR+ (2024) adlı yeni qatlana bilən smartfon hazırlanır

     Motorola şirkəti RAZR seriyasına daxil olacaq yeni qatlana bilən smartfon üzərində çalışır. Gözləntilərə əsasən şirkətin yeni qatlana bilən smartfonu Motorola RAZR+ (2024) adını əldə edəcək. Hazırlanan yeni Motorola RAZR+ (2024)-ün hətta render fotosu da təqdim edilib. Təqdim edilmiş render fotodan görmək olar ki, yeni qatlana bilən smartfon xarici görünüş mövzusunda əvvəlki RAZR modellərindən demək olar fərqlənməyəcək. Motorola RAZR+ (2024) elastiki daxili ekrana, daxili ekranın yuxarı mərkəz hissəsinə yerləşdirilmiş kiçik dairəvi çıxıntıya və ikili arxa kameraya sahib olacaq. Bu yeni qatlana bilən smartfonun bu ilin birinci yarısında təqdim olunacağı gözlənilir.