Motorola Razr 60 Ultra-nın render fotoları təqdim edilib
Motorola şirkəti keçən ilin iyun ayında qatlana bilən qapaqlı Motorola Razr 50 Ultra smartfonunu təqdim etmişdi. İndi isə şirkət Motorola Razr 60 Ultra-nın təqdimatına hazırlaşır. Evan Blass adlı məşhur insayder öz növbəsində təqdimata hazırlaşan Motorola Razr 60 Ultra-nın render fotolarını təqdim edib. Təqdim edilmiş render fotolardan da görmək olar ki, Motorola Razr 60 Ultra modeli xarici görünüşcə Motorola Razr 50 Ultra-dan heç də fərqlənməyəcək. Motorola Razr 50 Ultra-da olduğu kimi Motorola Razr 60 Ultra-nın yuxarı qapağının arxa hissəsini xarici ekran əhatə edəcək və xarici ekran üzərində iki ədəd kamera yerləşəcək. Son məlumat sızıntılarına inansaq, Motorola Razr 60 Ultra smartfonu Snapdragon 8 Elite prosessoru vasitəsilə çalışacaq və özündə 68 vatt gücündə sürətli şarj texnologiyalı 4500 mAh enerji tutumlu batareyanı birləşdirəcək.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
