Son günlərdə Motorola-nın qatlana bilən qapaqlı Motorola RAZR 40 Ultra smartfonu barəsində çoxlu sayda məlumat ortaya çıxıb. İndi isə məlum olub ki, Motorola şirkəti daha bir Motorola RAZR modeli üzərində çalışır və o, Geekbench testlərindən keçib. Söhbət, Motorola RAZR+ 2023 adlı smartfondan gedir. Geekbench testlərindən sözügedən smartfonun 8 GB RAM-a sahib versiyası keçib.

    Beləliklə smartfon Geekbench-in bir nüvəli testi çərçivəsində 1702 xal, çox nüvəli testi çərçivəsində isə 4073 xal toplayıb. Məlum olub ki, Motorola RAZR+ 2023 smartfonu Snapdragon 8+ Gen 1 prosessoru vasitəsilə çalışacaq və Android 13 əməliyyat sisteminə sahib olacaq. Bundan əlavə olaraq smartfonun 33 vatt gücündə sürətli şarj texnologiyalı 3640 mAh enerji tutumlu batareya ilə təchiz olunacağı gözlənilir. Motorola RAZR+ 2023 ya bu ayın sonunda ya da gələn ayın əvvəlində təqdim oluna bilər.