Motorola şirkəti Moto S50 Neo adlı yeni smartfonunu təqdim etməyə hazırlaşır

     Motorola-nın XT2409-5 model nömrəsinə sahib yeni smartfonu Çinin TENAA adlı agentliyində sertifikatlaşdırmadan keçib. Məlumata əsasən sözügedən smartfon böyük ehtimal ilə Moto S50 Neo adı altında satılacaq. TENAA sayəsində həmçinin Moto S50 Neo-nun fotosu da ortaya çıxıb. Ortaya çıxmış fotoda bu yeni smartfonun həm ön həm də arxa paneli əks olunub. Fotodan da görmək olar ki, smartfonun arxa panelinin yuxarı sol hissəsində 3 ədəd kamera ilə LED işıqlandırma mövcud olacaq.

       Smartfonun ekranına gəldikdə isə onun kənarları bir qədər əyilmiş dizaynda hazırlanacaq. Məlumatda qeyd edilib ki, Moto S50 Neo smartfonu Full HD+ keyfiyyətli 6.36 düym ölçülü OLED ekranı əldə edəcək və Snapdragon 7 Gen 1 Accelerated Edition prosessoru vasitəsilə çalışacaq. Smartfonun 50 MP + 13 MP + 10 MP üçlü arxa kameranı, 32 MP-lik ön kameranı və 4300 mAh enerji tutumlu batareyanı əldə edəcəyi gözlənilir.