Nazik gövdəli iPhone 17 Air innovasiyalı batareyanı əldə edə bilər

     Mətbuatda dəfələrlə qeyd olunub ki, gələcək iPhone 17 Air-in ultranazik gövdəsi istifadəçilərə azaldılmış batareya tutumu bahasına başa gələcək. Lakin Bloomberg-in məlumatına görə, Apple şirkəti bu vəziyyətdən çıxış yolu tapıb. Bloomberg-ə məlum olub ki, iPhone 17 Air Yaponiyanın TDK şirkətinə məxsus qabaqcıl silisium anodlu batareya ilə təchiz olunacaq. Bildirilib ki, bu texnologiya sayəsində Apple əvvəlki ölçünü saxlayaraq batareya tutumunu 15% artıracaq.

     Bu isə qalınlığı cəmi 5.5 mm olacaq ultranazik cihaz üçün son dərəcə vacibdir. Batareyadan əlavə, Apple iOS əməliyyat sistemini də optimallaşdıracaq ki, bu da iPhone 17 Air-in enerji baxımından avtonom işləmə müddətini mövcud iPhone modelləri ilə müqayisə edilə biləcək səviyyədə saxlayacaq. Smartfon enerjiyə qənaətcil C1 modemi ilə təchiz olunacaq və ultra genişbucaqlı kamera ilə gəlməyəcək, çünki onun yeri batareya üçün ayrılacaq. Məlumdur ki, TDK artıq təmiz silisium əsaslı yeni nəsil batareyalar üzərində işləyir və bu batareyalar 10 dəfə daha yüksək tutuma malik olacaq.

Mənbə: Bloomberg