Nintendo Switch 2-nin render fotoları və texniki məlumatları təqdim edilib
Cihazlar+
19.09.2024
Emil Nəcəfov
Nintendo-nun növbəti portativ oyun konsolu (şərti adı Nintendo Switch 2) barəsində daha çox məlumat internetdə ortaya çıxır. Artıq məlumdur ki, şirkət öz yeni oyun konsolunun istehsalını sürətləndirib. Bu isə onun bu ilin sonuna kimi təqdim ediləcəyi ehtimalını yüksəldir. Məlum olub ki, Reddit istifadəçilərindən biri Nintendo Switch 2-nin fotolarını və texniki məlumatlarını bölüşüb. Məşhur insayderlərdən biri isə Reddit istifadəçisinin bölüşmüş olduğu məlumatların doğruluğunu təsdiqləyib.
Beləliklə təqdim edilmiş fotolardan da görmək olar ki, Nintendo öz yeni portativ oyun konsolunda əsas konseptini dəyişməyib. Lakin bununla belə Nintendo Switch-dən fərqli olaraq ikinci nəsil bir qədər böyük ölçülərə sahibdir. Daha öncəki məlumat sızıntılarında qeyd edilmişdi ki, Nintendo Switch 2-də Joy-Con adlı idarəetmə hissələri əsas konsola maqnit sayəsində bərkidiləcək. Bu fikir yeni məlumat sızıntısında öz təsdiqini tapıb. Reddit istifadəçisinin məlumatlarına əsasən Nintendo Switch 2-nin uzunluğu 206 mm, eni 115 mm, gövdə qalınlığı isə 14 mm təşkil edəcək.
Bununla yanaşı yeni portativ oyun konsolu 8 düym ölçülü ekranla təchiz olunacaq və özündə 2 ədəd USB-C girişini birləşdirəcək. Konsolun daxili yaddaşı UFS 3.1 standartlı 256 GB təşkil edəcək. Lakin çox güman ki, şirkət daha böyük həcmli daxili yaddaşa sahib versiyaları da satışa çıxaracaq. Üstəlik məlumatda qeyd edilib ki, Nintendo Switch 2 konsolu 12 GB RAM, soyutma sistemi qismində 2 ədəd pər və HDMI 2.1 dəstəyini əldə edəcək. Müqayisə üçün qeyd etmək lazımdır ki, birinci nəsil Nintendo Switch 4 GB RAM-a sahibdir.
Linki kopyala
Bənzər xəbərlər
Oxşar xəbərlər
Yaxın zamanda təqdimat?: Nintendo Switch 2-nin istehsalı sürətləndirilib
Yaxın zamanda təqdimat?: Nintendo Switch 2-nin istehsalı sürətləndirilib
İnsayderlər əmindirlər ki, Nintendo şirkəti yeni portativ oyun konsolunu (şərti adı Nintendo Switch 2) bu ilin sonuna kimi təqdim edəcək.
Nintendo Switch 2-nin əsas texniki göstəriciləri təqdim edilib
Nintendo Switch 2-nin əsas texniki göstəriciləri təqdim edilib
Bir neçə müddət bundan öncə Nintendo şirkəti ilk dəfə rəsmi olaraq təsdiqlədi ki, o öz yeni oyun konsolu üzərində çalışır.
Nintendo Switch 2-nin konstruksiyası barəsində məlumatlar verilib
Nintendo Switch 2-nin konstruksiyası barəsində məlumatlar verilib
İspaniyanın Vandal adlı saytı Nintendo-nun növbəti portativ oyun konsolu (şərti adı Switch 2) barəsində yeni məlumatlar verib.
Nintendo Switch 2-nin performansı PlayStation 4 Pro-nun performansına bərabər ola bilər
Nintendo Switch 2-nin performansı PlayStation 4 Pro-nun performansına bərabər ola bilər
Moree's Law is Dead ləqəbli nüfuzlu texnoblogger Nintendo-nun növbəti portativ oyun konsolunun (şərti adı Nintendo Switch 2) real performansı barəsində məlumat verib.
Nintendo Switch 2-nin gələn ilin hansı ayında satışa çıxacağı açıqlanıb
Nintendo Switch 2-nin gələn ilin hansı ayında satışa çıxacağı açıqlanıb
Keçən həftə məlumat ortaya çıxdı ki, Nintendo şirkəti öz növbəti portativ oyun konsolunun (şərti adı Nintendo Switch 2) satışlarını 2025-ci ilə qədər təxirə salıb.
Həftənin xəbərləri
