Nintendo Switch 2-yə aid olduqları iddia edilən aksesuarlar satışa çıxıb

     Son zamanlarda Nintendo-nun yeni portativ oyun konsolu (şərti adı Nintendo Switch 2) barəsində daha çox məlumat ortaya çıxır. Bu isə onun yaxın zamanda təqdim olunacağına işara edir. Qeyd etmək lazımdır ki, şirkət artıq rəsmi şəkildə təsdiqləyib ki, onun yeni portativ oyun konsolu 2025-ci ilin birinci rübünün sonuna kimi təqdim olunacaq. Yəni gələn ilin 31 mart tarixinə kimi. İndi isə məşhur insayder Tom Henderson məlumat verib ki, Çinin online alış-veriş platforması olan Alibaba-da Nintendo Switch 2 üçün nəzərdə tutulmuş ekran qoruyucuları və keyslər satışa çıxıblar.

     Satıcının sözlərinə əsasən satışa çıxmış ekran qoruyucuları və keyslər əsl oyun konsolu üçün nəzərdə tutulub və onlar saxta deyillər. Bununla yanaşı satıcı qeyd edib ki, onların ölçüləri Nintendo Switch 2-nin ölçüləri ilə eynidir. Əgər bu məlumat həqiqəti əks etdirirsə, deməli Nintendo Switch 2-nin ekranı həqiqətən də böyük ölçüdə olacaq. Satışa çıxmış keysin uzunluğu 290 mm, hündürlüyü 135 mm, eni isə 45 mm təşkil edir. Alibaba-da satışa çıxmış bu aksesuarların sözün əsl mənasında Nintendo Switch 2-yə aid olub olub-olmadıqlarını söyləmək çətindir.

     Lakin digər tərəfdən oyun konsollarının istehsalçıları çox zaman müəyyən göstəriciləri barəsində məlumatları aksesuar istehsalçılarına öncədən göndərirlər. Digər bir fakt isə ondan ibarətdir ki, Nintendo bu cür mövzularda həmişə gizliliyi qoruyur və zamanından öncə məlumatları üçüncü tərəflər ilə bölüşməyi sevmir. Heç istisna deyil ki, satışa çıxmış aksesuarlar daha öncə Nintendo Switch 2 barəsində ortaya çıxmış məlumat sızıntıları əsasında hazırlanıb.

Bənzər xəbərlər

Cihazlar+

Nintendo Switch 2-nin hansı zaman aralığında satışa çıxacağı məlum olub

Gamerlər səbrsizliklə Nintendo-nun yeni portativ oyun konsolunun (şərti adı Nintendo Switch 2) təqdimatını və satışa çıxma müddətini gözləyirlər.

Cihazlar+

Nintendo-nun yeni portativ oyun konsolunun təqdimatını bu ilin sonuna kimi gözləmək lazım deyil

Gamerlər artıq uzun müddətdir ki, Nintendo-nun yeni portativ oyun konsolunun (şərti adı Nintendo Switch 2) təqdimatını gözləyirlər. Daha öncə təqdimatın bu ilin sonuna kimi baş tutacağı güman olunurdu.

Cihazlar+

Nintendo Switch 2-nin render fotoları və texniki məlumatları təqdim edilib

Nintendo-nun növbəti portativ oyun konsolu (şərti adı Nintendo Switch 2) barəsində daha çox məlumat internetdə ortaya çıxır.

Cihazlar+

Yaxın zamanda təqdimat?: Nintendo Switch 2-nin istehsalı sürətləndirilib

İnsayderlər əmindirlər ki, Nintendo şirkəti yeni portativ oyun konsolunu (şərti adı Nintendo Switch 2) bu ilin sonuna kimi təqdim edəcək.

Cihazlar+

Nintendo Switch 2-nin əsas texniki göstəriciləri təqdim edilib

Bir neçə müddət bundan öncə Nintendo şirkəti ilk dəfə rəsmi olaraq təsdiqlədi ki, o öz yeni oyun konsolu üzərində çalışır.