Çıxdığı zaman əsas konsollara qarşı çox şansı olmayan Nintendo Switch, bu gün 132 milyon ədəd sataraq həm köhnə, həm də yeni nəsil rəqiblərini toz içində buraxmağa davam edir.

     Keçən ilki oyun bazarının təhlilinə görə, Nintendo Yaponiyada qırılması çətin olan rekordu qırıb. Belə ki, Nintendo Yaponiyada ən çox satılan 10 oyuna sahib olub. Siyahıdakı 10 oyunun hər birinin Nintendo-ya aid olması ilə yanaşı, bu oyunların hamısının yalnız Nintendo Switch üçün hazırlandığını da qeyd etmək lazımdır.

     Siyahının başında 2 milyon nüsxə ilə satılan “The Legend of Zelda: Tears of the Kingdom” oyunu və onun ardınca isə, 1,5 milyon ədəd satışla "Super Mario Bros. Wonder" oyunu gəlir. "Pikmin 4", "Mario Kart 8 Deluxe", "Pokemon Scarlet & Violet" və "Kirby’s Return to Dreamland Deluxe" oyunları da siyahıda yer alan oyunlar arasındadır.