Nokia Lumia dizaynına sahib HMD Skyline smartfonunun yeni render fotoları ortaya çıxıb

     HMD Global şirkəti öz brendi altında HMD Skyline adlı yeni smartfon üzərində çalışır. Söhbət, Nokia Lumia dizaynına sahib smartfondan gedir. HMD Skyline barəsində daha öncə məlumat ortaya çıxmışdı. İndi isə sözügedən smartfonun yeni render fotoları ortaya çıxıb. Beləliklə ortaya çıxmış yeni render fotolardan da görmək olar ki, HMD Skyline smartfonu düzbucaq formalı dizaynı əldə edəcək və onun künc hissələri iti olacaq.

 

     Smartfonun arxa panelində düzbucaq formalı kamera sahəsi yerləşəcək. Smartfon minimum iki gövdə rəngində satışa çıxacaq. Qara və çəhrayı. Son məlumatlara əsasən HMD Skyline smartfonu 120 Hz-lik təsvir yenilənməsinə sahib Full HD+ keyfiyyətli OLED ekranı əldə edəcək və Snapdragon 7s Gen 2 prosessoru vasitəsilə çalışacaq. Bununla yanaşı smartfon özündə 108 MP-lik əsas arxa kameranı, 32 MP-lik ön kameranı və 33 vatt gücündə sürətli şarj texnologiyalı 4900 mAh enerji tutumlu batareyanı birləşdirməlidir. HMD Skyline-nın artıq bu ay təqdim ediləcəyi gözlənilir.