Nokia XR30-un keyfiyyətli fotoları təqdim edilib

    HMD Global şirkəti 2021-ci ildə yüksək qorunma özəlliklərinə sahib Nokia XR20 smartfonunu satışa çıxartmışdı. İndi isə şirkət onun davamçısı üzərində çalışır. Söhbət, Nokia XR30-dan gedir. Roland Quandt adlı məşhur insayder isə sözügedən yeni smartfonun keyfiyyətli fotolarını təqdim edib. Verilmiş məlumata əsasən Nokia XR30-un gövdəsi sudan və zərbələrdən qorunma özəlliyini əldə edəcək.

    Bununla yanaşı smartfon 6 GB RAM, 128 GB daxili yaddaş həcmi, 64 MP-lik əsas arxa kamera, 16 MP-lik ön kamera və 33 vatt gücündə sürətli şarj texnologiyalı 4600 mAh enerji tutumlu batareya ilə təchiz olunacaq. Məlumata əsasən HMD Global şirkəti Nokia XR30-u 500$ qiymətində satışa çıxartmağı planlaşdırır. Onun nə zaman təqdim olunacağı və nə zaman satışa çıxacağı bilinmir.