Reklam
Nothing Phone (1)-in hərtərəfli dizaynı və unikal funksiyaları sərgilənib (VİDEO)

Nothing Phone (1)-in hərtərəfli dizaynı və unikal funksiyaları sərgilənib (VİDEO)

Mobil Cihazlar
22.06.2022 PAYLAŞIM

    MKBHD adlı Youtube kanalının müəllifi məşhur blogger Marques Brownlee OnePlus şirkətinin keçmiş həmtəsisçisi olan Carl Pei-n Nothing adlı yeni şirkətinin ilk smartfon modeli Nothing Phone (1)-i ilk əldə etmiş şəxs olub. Beləliklə blogger sözügedən smartfonun ön panelini və digər smartfonlarda olmayan unikal özəlliklərini sərgiləyib. Vizual olaraq Nothing Phone (1) modeli iPhone 12-ni xatırladır. Belə ki, bu smartfon da iPhone 12 kimi yastı kənar hissələrə və arxa kamera dizaynına sahibdir. Bununla belə yeni smartfon digərlərindən şəffaf arxa paneli ilə seçilir. Şəffaf panelin alt hissəsində isə smartfonun bəzi daxili elementləri dekorativ şəkildə yerləşdirilib. Ön paneldən smartfon nazik çərçivələrə sahib yastı ekran ilə təchiz olunub.


    Ekranın yuxarı sol hissəsində isə ön kamera üçün nəzərdə tutulmuş kiçik dairəvi çıxıntı yerləşdirilib. Nothing Phone (1)-in əsas özəlliklərindən biri də arxa kameraları və naqilsiz şarj mexanizmini əhatə edən diod işıqlardır. Smartfonun arxa panelində ümumilikdə 900 ədəd kiçik ölçülü işıq diodları mövcuddur. Onlar birlikdə bərabər paylanan işıqlandırmanı yaradırlar. Bundan əlavə olaraq onlar öz növbələrində fənər və kameradan istifadə zamanı əlavə işıqlandırma mexanizmi qismində çıxış edirlər. Lakin təkcə işıqlandırma ilə bu işıq diodları məhdudlaşmırlar. Belə ki, smartfonun ayarlarında Glyph Interface adlı xüsusi bölmə var və həmin bölmə vasitəsilə işıqlandırmanın parlaqlığını və onun çalışmayacağı zamanı ayarlamaq mümkündür.

    Naqilsiz qulaqlıqları Nothing Phone (1)-in arxa paneli üzərinə qoyan zaman onlar şarj olunmağa başlayacaqlar və bu şarj prosesindən smartfondakı naqilsiz şarj mexanizminin ətrafındakı işıq diodları xəbər verəcəklər. Bundan əlavə olaraq yeni smartfonda 10 unikal sistem musiqisi mövcuddur və həmin musiqilərdən hər biri işıqlandırmanın unikal patterninə aiddir. Beləliklə müxtəlif işıqlanma üsullarını əhatə edən hər bir sistem musiqisini müxtəlif kontaktlar və ya tətbiqlərə təyin etmək olar. Bu üsul ilə kimin zəng etdiyini və ya hansı tətbiqdən bildiriş gəldiyini işıqlandırma mexanizmi hesabına bilmək mümkün olacaq. Qeyd etmək lazımdır ki, Nothing Phone (1)-in təqdimatı 12 iyul tarixində baş tutacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


POCO F4 və POCO X4 GT smartfonları təqdim olunub - QİYMƏTİ

Xiaomi tərəfindən keçirilmiş rəsmi təqdimat çərçivəsində POCO brendi öz yeni smartfonlarını təqdim e..


Nothing Phone (1)-in bəzi texniki özəllikləri Geekbench vasitəsilə təsdiqlənib..

Təqdimata hazırlaşan Nothing Phone (1) smartfonunun dizaynı və hətta çalışma prosesi daha öncədən sə..


iPhone 14 smartfonları bir dəfə şarj olunandan sonra əvvəlki iPhone-lardan daha ..

Çinin Baidu adlı sosial şəbəkəsində iPhone 14 smartfonlarının vacib özəlliklərindən birini əhatə edə..


6000 mAh batareyaya sahib büdcəli Galaxy F13 smartfonu təqdim olunub - QİYMƏTİ..

Samsung şirkəti Galaxy F13 adlı yeni büdcəli smartfonunu təqdim edib.


Xiaomi 12 Ultra flaqman smartfonunun yeni real fotoları ortaya çıxıb

Twitter-də Xiaomi şirkətinin təqdimata hazırlaşan Xiaomi 12 Ultra flaqman smartfonunun yeni real fot..


iPhone 14 təkmilləşdirilmiş ön kameraya sahib olacaq

Məşhur analitik Ming-Chi Kuo-nun sözlərinə əsasən iPhone 14 seriyasında Apple təkcə smartfonların ar..

×