Reklam
Nothing Phone (1) rəsmi şəkildə təqdim edildi - QİYMƏTİ

Nothing Phone (1) rəsmi şəkildə təqdim edildi - QİYMƏTİ

Mobil Cihazlar
12.07.2022 PAYLAŞIM

    Əvvəlcədən də gözlənildiyi kimi Nothing şirkətinin ilk smartfon modeli olan Nothing Phone (1)-in online təqdimatı baş tutdu. Təqdim edilmiş bu smartfon bəzi unikal özəllikləri və dizaynı ilə digər brendlərin smartfonlarından fərqlənir. Nothing Phone (1)-in əsas fərqləndirici dizayn özəlliklərindən biri də onun arxa panelinin şəffaf olması və orda 900 ədəd kiçik işıq diodları hesabına hazırlanmış xüsusi işıqlandırma sisteminin yerləşməsidir. Sözügedən işıqlandırma sistemi öz növbəsində Glyph Interface adlı işıq interfeysinin işini təmin edir. Belə ki, smartfonun arxa şəffaf panelində reallaşdırılmış bu işıqlandırma sistemi smartfonun batareyasındakı enerji həcmindən, daxil olan zənglər və bildirişlərdən, konkret olaraq hansı kontaktdan gələn zəng barədə xəbərdar edə və bunun kimi bir çox funksiyaları yerinə yetirə bilər.


    Smartfonun gövdəsi əsasən emal edilmiş materillardan hazırlanıb. Nothing Phone (1) smartfonu 120 Hz-lik təsvir yenilənməsinə sahib Full HD+ keyfiyyətli 6.55 düym OLED ekran ilə təchiz olunub. Ekranın yuxarı sol hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Bununla yanaşı ekranın özü Gorilla Glass 5 qoruyucu şüşəsi ilə əhatə edilib və barmaq izi skanı texnologiyası da birbaşa ekrana inteqraisya olunub. Smartfon həmçinin özündə Dolby Atmos dəstəkli stereo səsgücləndiriciləri və kontaktsız ödənişlər üçün nəzərdə tutulmuş NFC çipi birləşdirir.

    Əsas texniki göstəricilərə gəldikdə isə Nothing Phone (1) 8 nüvəli Snapdragon 778G+ prosessoru, 8/12 GB RAM, 128/256 GB daxili yaddaş həcmi, 50 MP (f/1.88 diafraqma, optik stabilizasiya, elektron stabilizasiya) + 50 MP (f/2.2 diafraqma, 114 dərəcə bucaq əhatəsi, elektron stabilizasiya, avtofokus, 4 sm makroçəkiliş) ikili arxa kamera, 16 MP-lik ön kamera və 33 vatt gücündə sürətli naqilli və 15 vatt gücündə sürətli naqilsiz şarj texnologiyalarının dəstəyinə sahib 4500 mAh enerji tutumlu batareya ilə təchiz olunub.

    Bundan əlavə olaraq smartfon həmçinin 5 vatt gücündə ikitərəfli şarj texnologiyasını da dəstəkləyir. Onun vasitəsilə naqilsiz qulaqlıqlar kimi kiçik aksesuarları smartfonun arxa panelinin üzərinə yerləşdirərək şarj etmək mümkündür. Smartfonun arxa kameraları 4K keyfiyyətində, ön kamerası isə 1080p keyfiyyətində videolar çəkə bilirlər. Kameralar vasitəsilə video çəkən zaman smartfonun arxa panelində qırmızı rəngdə işıqlandırma sistemi işə düşür. Bu, smartfonun çəkiliş rejimində olduğuna işarə edir. Smartfon NothingOS interfeysli Android 12 vasitəsilə çalışır. Onun satışlarına 16 iyul tarixində start veriləcək. Smartfonun satış qiymətləri isə aşağıdakı kimi olacaq:

- 8 GB RAM + 128 GB yaddaş - 469 avro

- 8 GB RAM + 256 GB yaddaş - 499 avro

- 12 GB RAM + 256 GB yaddaş - 549 avro.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Qatlana bilən Xiaomi Mix Fold 2 və Redmi K50 Ultra təqdim olunub - QİYMƏTİ

Xiaomi xüsusi təqdimat tədbiri çərçivəsində qatlana bilən Mix Fold 2 və Redmi K50 Ultra flaqman smar..


200 MP-lik kameraya sahib Moto X30 Pro və qatlana bilən Motorola RAZR (2022) təq..

Motorola şirkəti artıq uzun zamandır ki, barəsində məlumatlar yayılan Moto X30 Pro adlı flaqman smar..


Qatlana bilən Samsung Galaxy Z Fold 4 və Galaxy Z Flip 4 təqdim olunub - QİYMƏTİ..

Samsung şirkəti Galaxy Unpacked 2022 tədbiri çərçivəsində öz yeni qatlana bilən smartfonları Galaxy ..


iPhone 14 Pro-nun real fotoları ortaya çıxıb

Artıq gələn ay Apple şirkəti iPhone 14 smartfon seriyasını təqdim edəcək.


Yeni OnePlus 10T flaqman smartfonu təqdim olunub - QİYMƏTİ

Bu smartfon flaqman smartfonlar sırasına daxil olsa da şirkət onun bəzi özəlliklərini əvvəlki flaqma..


Samsung öz cihazlarının fərdi təmir proqramını istifadəyə verib

Samsung şirkəti elektron cihazların təmiri sahəsində fəaliyyət göstərən iFixit saytı ilə birlikdə Ga..

×