main-post-cover

    Nothing Phone (2)-nin hansı prosessora sahib olacağı rəsmi şəkildə məlum olub

    Cihazlar+
    18.05.2023
    Emil Nəcəfov
        Nothing şirkəti aktiv şəkildə Nothing Phone (2) üzərində çalışır. Daha öncə smartfonun Snapdragon 8 seriyasına daxil olan prosessorlardan birini əldə edəcəyi söylənilmişdi. Lakin söhbətin dəqiq şəkildə hansı prosessordan getdiyi məlum deyildi. Nothing şirkətinin CEO-su Carl Pei bu məsələ ilə bağlı rəsmi məlumatı təqdim edib. Onun sözlərinə əsasən Nothing Phone (2) Snapdragon 8+ Gen 1 prosessoru vasitəsilə çalışacaq. Müqayisə üçün qeyd etmək lazımdır ki, hal hazırda aktual olan Nothing Phone (1) Snapdragon 778G+ prosessoru ilə təchiz olunur. Nothing Phone (2)-nin 120 Hz-lik təsvir yenilənməsinə sahib AMOLED ekran, 12 GB RAM 5000 mAh enerji tutumlu batareya ilə təchiz olunacağı gözlənilir. Smartfon yay fəslində təqdim olunmalıdır.
    Linki kopyala