Nothing şirkəti öz yeni smartfonu olacaq Nothing Phone (2)-nin reklam kampaniyasını aktiv şəkildə aparmağa davam edir. Şirkətin CEO-su Carl Pei öz müsahibələrindən birində Nothing Phone (2) barəsində bəzi məlumatları təqdim edib. İlk öncə o bir daha təsdiqləyib ki, smartfon Snapdragon 8+ Gen 1 prosessoru vasitəsilə çalışacaq. Müqayisə üçün qeyd etmək lazımdır ki, birinci Nothing Phone modeli Snapdragon 778G+ prosessoru vasitəsilə çalışır. Bununla yanaşı Carl Pei bildirib ki, Nothing Phone (2) 4700 mAh enerji tutumlu batareyaya sahib olacaq. Nothing Phone (1) isə 4500 mAh enerji tutumlu batareyanı özündə birləşdirir. Ən əsası isə Carl Pei qeyd edib ki, şirkətin yeni smartfonu iyul ayında satışa çıxacaq. Lakin o, smartfonun təqdimat tarixi barəsində heç bir məlumatı təqdim etməyib.