main-post-cover

    Nothing Phone (2) barəsində yeni rəsmi məlumatlar verilib

    Cihazlar+
    01.03.2023
    Emil Nəcəfov
        Nothing şikətinin CEO-su Carl Pei MWC 2023 sərgisi çərçivəsində Nothing Phone (2) barəsində bəzi məlumatları təqdim edib. O, smartfonun hansı prosessor vasitəsilə çalışacağı və onun təqribi təqdimat tarixi barəsində məlumatları paylaşıb. Beləliklə Carl Pei bildirib ki, Nothing Phone (2) smartfonu Qualcomm-un hal hazırda aktual olan Snapdragon 8 seriyalı prosessoru vasitəsilə çalışacaq.
        “Biz yeni smartfonda Snapdragon 8 seriyasından istifadə etməyi nəzərdə tutmuşuq. Daha öncə mən qeyd etmişdim ki, yeni smartfon premium smartfonlar sinifinə daxil olacaq. Lakin biz rəsmi şəkildə smartfonun Qualcomm və ya MediaTek prosessorunu əldə edəcəyini açıqlamamışdıq” - deyə Carl Pei qeyd edib. Gözləntilərə əsasən Nothing Phone (2) bu ilin üçüncü rübündə təqdim ediləcək.
        Əgər bu həqiqətən də belə olsa, çətin ki, smartfon Snapdragon 8 Gen 3 prosessorunu əldə etsin. Çox güman ki, Nothing Phone (2) ya Snapdragon 8+ Gen 1 ya da Snapdragon 8 Gen 2 prosessoru vasitəsilə çalışacaq. Carl Pei həmçinin qeyd edib ki, şirkət yeni smartfonda əsas diqqətini proqram təminatına yönəldəcək. Yeni smartfon öz unikal dizaynını qoruyub saxlayacaq və demək olar Nothing Phone (1)-in satış qiymətinə sahib olacaq.
    Linki kopyala