Nothing Phone (3)-ün hansı prosessoru əldə edəcəyi rəsmi şəkildə açıqlanıb

     Nothing şirkəti 1 iyul tarixində Nothing Phone (3) smartfonunu təqdim edəcək. Müddət yaxınlaşdıqca şirkət sözügedən smartfon barəsində müəyyən məlumatları paylaşmağa davam edir. Daha öncə Nothing Phone (3)-ün hansı prosessor vasitəsilə çalışacağı barəsində kifayət qədər məlumat ortaya çıxmışdı. İndi isə şirkət bu məlumatı rəsmi şəkildə təqdim edib. Beləliklə Nothing tərəfindən təqdim edilmiş posterə əsasən Nothing Phone (3) smartfonu Snapdragon 8s Gen 4 prosessoru vasitəsilə çalışacaq. Şirkət bunun hesabına yeni smartfonda performans artımını və yaxşılaşdırılmış istifadəçi təcrübəsini söz verir.