Nothing Phone (3)-ün nə zaman təqdim olunacağı məlum olub

     Nothing şirkəti keçən il Nothing Phone (3) smartfonunu təqdim etmədi. Buna görə də sözügedən smartfonun bu il təqdim olunacağı gözlənilir. İndi isə bunun nə zaman baş verəcəyi məlum olub. Evan Blass adlı məşhur insayder Nothing şirkətinin CEO-su olan Carl Pei tərəfindən şirkət əməkdaşlarına göndərilmiş məktubu təqdim edib. Məktubda qeyd edilib ki, 2025-ci il Nothing brendi üçün vacib il olmalıdır. Belə ki, şirkət bu il yeni flaqman smartfonu olacaq Nothing Phone (3)-ün təqdimatını keçirəcək.

     Məktubda qeyd edilmiş məlumata əsasən Nothing Phone (3) smartfonu bu ilin birinci rübündə təqdim olunacaq. Gözləntilərə əsasən bu yeni smartfon istifadəçi interfeysi mövzusunda özü ilə inqilabi innovasiyaları gətirəcək. Şirkət öz diqqətini süni zəkadan istifadəyə yönəldəcək. Carl Pei həmçinin öz məktubunda şirkətin böyüməsi halından da bəhs edib. Onun sözlərinə əsasən şirkətin proqram təminatı və kameralar ilə bağlı komandalarında işçi sayı 50% artıb.

Bənzər xəbərlər

Cihazlar+

Nothing Phone (3a) və Phone (3a) Plus smartfonları barəsində bəzi məlumatlar ortaya çıxıb

Nothing şirkəti bu ilin mart ayında Nothing Phone (2a) smartfonunu, iyul ayında isə onun təkmilləşdirilmiş versiyası Nothing Phone (2a) Plus smartfonunu təqdim etmişdi. Hal-hazırda şirkət Nothing Phone (3a) və Nothing Phone (3a) Plus smartfonları üzərində çalışır.

Cihazlar+

Nothing Fold (1) adlı qatlana bilən smartfon konsepti hazırlanıb

Öz qatlana bilən smartfonunu hazırlamağa tələsməyən şirkətlərdən biri də Nothing-dir. Bir neçə ay bundan öncə şirkətin CEO-su Carl Pei bildirmişdi ki, o hal-hazırda bu cür smartfonları perspektivli hesab etmir. Şirkət qatlana bilən smartfonunu hazırlamağa tələsməsə də, həvəskar şəxslər şirkətin yerinə bu cür Nothing smartfonunun necə görünə biləcəyinə dair fantaziyalar qurublar.

Cihazlar+

Nothing 2025-ci ilin əvvəli üçün 3 yeni smartfon hazırlayır

İnsayderlərin vermiş olduqları məlumata əsasən Nothing şirkəti 2025-ci ilin birinci yarısı üçün 3 yeni smartfonunu təqdim etməyi planlaşdırır.

Cihazlar+

Nothing Phone (3) smartfonu Geekbench testlərindən keçib

Nothing şirkəti bu il Nothing Phone (3) smartfonunu təqdim etmədi. Smartfonun təqdimatı gələn il üçün gözlənilir. İndi isə məlum olub ki, Nothing Phone (3) smartfonu Geekbench testlərindən keçib.

Digər

Nothing və Elon Musk Jaguar-ın yeni loqosunu ələ salıblar!

Jaguar bu yaxınlarda minimalist loqo və qeyri-ənənəvi reklam kampaniyası ilə çıxış edərək, radikal bir marka yenilənmə prosesinə girdi. Nothing və Elon Musk isə bu kampaniyaya qarşı səssiz qalmayıblar.