Nothing Phone (3a) seriyasının hansı prosessorları əldə edəcəyi rəsmi şəkildə açıqlanıb

     Nothing rəsmi olaraq təsdiqləyib ki, qarşıdan gələn Nothing Phone (3a) smartfon seriyası Snapdragon prosessorları ilə təchiz ediləcək. Bu, əvvəlki Nothing Phone (2a) modellərində istifadə olunmuş MediaTek Dimensity prosessorlarından Snapdragon-a keçidi ifadə edir. Bu barədə Nothing-in baş direktoru Carl Pei bildirib ki, Snapdragon prosessoru vasitəsilə çalışan Nothing Phone (3a) modelinin performansı 25% daha yüksəkdir.

     Üstəlik Snapdragon-un neyron çipi isə MediaTek Dimensity 7350 Pro ilə təchiz olunmuş Nothing Phone (2a) Plus ilə müqayisədə 72% daha sürətli olacaq. Hələlik şirkət yeni prosessorun dəqiq texniki xüsusiyyətlərini açıqlamasa da, şayiələrə görə, bu, Snapdragon 7s Gen 3 ola bilər. Nothing Phone (3a) seriyasının təqdimatı 4 mart tarixinə planlaşdırılıb. Gözlənilir ki, şirkət yaxın həftələrdə smartfonun dizaynı və digər xüsusiyyətləri ilə bağlı daha çox məlumat paylaşacaq.

Mənbə: Gadgets360