
Nothing Phone (3a) və Phone (3a) Pro təqdim edilib - QİYMƏTİ
Cihazlar+
04.03.2025
Emil
Nothing şirkəti qlobal bazarda Nothing Phone (3a) və Phone (3a) Pro smartfonlarını təqdim edib. Nothing-in bu yeni smartfonları xarici görünüşcə bir-birilərindən bir qədər fərqlənsələr də, texniki imkanlar baxımından onlar eynidirlər. Hər iki smartfon yastı gövdə dizaynını əldə edib. Üstəlik şirkət bu smartfonlarda Glyph işıqlandırma sistemini qoruyub saxlayıb. Nothing Phone (3a) seriyasında əsas yeniliklərdən biri də odur ki, bu smartfonlarda yandırıb/söndürmə düyməsinin aşağı hissəsində Essential Key adlı yeni düymə yerləşdirilib. Sözügedən yeni düymə Essential Space adlı süni zəka əsaslı mərkəzi işə salır. İstifadəçi süni zəka əsaslı bu mərkəz vasitəsilə qeydlər apara və yeni ideyaları tərtib edə bilər.

Hər iki smartfon 120 Hz-lik təsvir yenilənməsinə sahib Full HD+ keyfiyyətli 6.77 düym ölçülü AMOLED ekranla təchiz olunub. Ekranın maksimal parlaqlıq səviyyəsi 3000 nit təşkil edir. Üstəlik bu yeni smartfonlarda gövdə IP64 standartı üzrə sudan qorunma özəlliyinə sahibdir. Hər iki smartfon Snapdragon 7s Gen 3 prosessoru vasitəsilə çalışır. Nothing Phone (3a) modeli 8/12 GB RAM ilə 128/256 GB daxili yaddaş həcmini, Nothing Phone (3a) Pro modeli isə 12 GB RAM ilə 256 GB daxili yaddaş həcmini əldə edib.

Smartfonlar 50 MP + 8 MP + 50 MP üçlü arxa kameraya sahibdirlər. Nothing Phone (3a) modeli özündə 32 MP-lik ön kameranı, Nothing Phone (3a) Pro modeli isə özündə 50 MP-lik ön kameranı birləşdirir. Hər iki smartfon 50 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Bu yeni smartfonlar yaxın günlərdə satışa çıxacaqlar. Nothing Phone (3a)-nın qiyməti 329 avrodan start götürəcək, Nothing Phone (3a) Pro-nun qiyməti isə 459 avro təşkil edəcək.
Mənbə: GSMarena
Paylaş
Bənzər xəbərlər

Cihazlar+
Nothing Phone (3a) və Phone (3a) Pro-nun render fotoları təqdim edilib
Nothing şirkəti 4 mart tarixində Nothing Phone (3a) smartfon seriyasını təqdim edəcək. Bu seriyaya adi Nothing Phone (3a) ilə yanaşı Nothing Phone (3a) Pro da daxil olacaq.

Cihazlar+
Təqdimata hazırlaşan Nothing Phone (3a) Pro smartfonu Geekbench testlərindən keçib
Nothing şirkəti 4 mart tarixində Nothing Phone (3a) smartfon seriyasını təqdim edəcək. Bu seriyaya Nothing Phone (3a) ilə yanaşı Phone (3a) Pro modeli də daxil olacaq.

Cihazlar+
Nothing Phone (3a) smartfonlarının kameraları barəsində yeni məlumatlar ortaya çıxıb
Nothing Phone (3a) və (3a) Pro təqdimatına az qalmış, bu smartfonların əsas xüsusiyyətlərini açıqlayan yeni məlumatlar internetdə yayımlanıb. Bu dəfə sızmanın mənbəyi cihazların kamera xüsusiyyətləri ilə bağlı detalları paylaşıb.

Cihazlar+
Nothing Phone (3a) seriyasının hansı prosessorları əldə edəcəyi rəsmi şəkildə açıqlanıb
Hələlik şirkət yeni prosessorun dəqiq texniki xüsusiyyətlərini açıqlamayıb.

Cihazlar+
Nothing şəffaf dizayna sahib yeni naqilsiz qulaqlığı üzərində çalışır
Nothing brendi yeni naqilsiz qulaqlığı təqdim etməyə hazırlaşır. Belə ki bir neçə müddət bundan öncə bu yeni audio məhsul SGS Fimko adlı sertifikatlaşdırma agentliyinin məlumatlar bazasında ortaya çıxıb.
Ən çox oxunanlar

POCO F7 Pro və F7 Ultra flaqman smartfonları təqdim edilib - QİYMƏTİ
