Nothing şirkəti özünün CMF subbrendinin ilk smartfonunun təqdimata hazırlaşdığını təsdiqləyib

     Nothing şirkətinin CEO-su Carl Pei artıq rəsmi şəkildə təsdiqləyib ki, Nothing Phone (3) smartfonu bu il ərzində təqdim edilməyəcək. Lakin bu o demək deyil ki, Nothing ilə bağlı hər hansısa yeni smartfon bu il təqdim olunmayacaq. Belə ki, şirkət rəsmi şəkildə təsdiqləyib ki, o özünün CMF subbrendinin ilk smartfonunu təqdim etməyə hazırlaşır. Şirkət təsdiqləyib ki, CMF subbrendinin ilk smartfonu CMF Phone 1 adlanacaq. Sözügedən smartfonun təqdimat tarixi hələ açıqlanmayıb. Lakin çox güman ki, o, gələn ay təqdim olunacaq. Son məlumat sızıntılarına CMF-nın ilk smartfonu 120 Hz-lik təsvir yenilənməsinə sahib 6.67 düym ölçülü OLED ekranı əldə edəcək və MediaTek Dimensity 7200 prosessoru vasitəsilə çalışacaq. Gözləntilərə əsasən smartfon özündə 50 MP-lik əsas arxa kameranı və 16 MP-lik ön kameranı birləşdirəcək. Məlumat sızıntılarına əsasən CMF Phone 1 smartfonu 33 vatt gücündə sürətli şarj texnologiyalı 5000 mAh enerji tutumlu batareyaya sahib olacaq.