Reklam
Nothing şirkətinin ilk smartfonu olacaq Nothing Phone (1) haqqında yeni məlumatlar ortaya çıxıb

Nothing şirkətinin ilk smartfonu olacaq Nothing Phone (1) haqqında yeni məlumatlar ortaya çıxıb

Mobil Cihazlar
25.05.2022 PAYLAŞIM

    8 il bundan öncə ilk OnePlus One smartfonunda olduğu kimi OnePlus şirkətinin keçmiş həmtəsisçisi Carl Pei özünün Nothing adlı yeni şirkətinin ilk smartfonu ətrafında intriqalar yaradır. Belə ki, internetdə Nothing şirkətinin ilk smartfon modelinin güman olunan dizaynı, satış tarixi və qiyməti barəsində məlumatlar ortaya çıxıb. Şirkətin ilk smartfon modelinin tizer fotolarını təqdim etməklə yanaşı Carl Pei və şirkətin dizayn şöbəsinin rəhbəri Tom Howard Nothing Phone (1) smartfonunun şəffaf arxa panelə sahib olacağını bildiriblər. Görünür, şirkət naqilsiz Nothing Ear (1) qulaqlıqlarında reallaşdırılmış dizayn özəlliyinə sadiq qalmaq fikrindədir. Tom Howard-ın sözlərinə əsasən onlar smartfonun daxili hissəsinin xaricdən görünməsini mümkün etmək istəyirlər.


    Lakin şirkətin komandası qarşısında ciddi problem dayandı. Belə ki, bu məsələdə təkcə şəffaf arxa panel qapağından istifadə etmək kifayət deyil. Məlumatda qeyd edilib ki, smartfon daxilində lay-lay yerləşdirilmiş 400 ədəd detal var. Şirkət isə həmin detallardan yalnız diqqətəlayiq olanları əks etdirmək istəyir. Şirkət əsasən kameralarını və naqilsiz şarj texnologiyasının induksiya sarğısını ön plana çəkməyi hədəfləyib. Carl Pei bildirib ki, Nothing brendi üçün vacib olan məqamlardan biri hamı tərəfindən tanınacaq fərdi dizaynın yaradılmasıdır.

    Məhz bu cür vahid dizayn şirkətin bütün cihazlarını birləşdirəcək faktorlardan biri kimi çıxış edəcək. Onun sözlərinə əsasən bazarda hal hazırda bu cür fəlsəfə ilə çalışan yalnız bir şirkət var və o, Apple şirkətidir. Ortaya çıxmış məlumata əsasən Nothing Phone (1) smartfonu 21 iyul tarixində satışa çıxacaq. Təqdimat tədbirinin həmin tarixdə və ya daha öncə olub-olmayacağı bilinmir. İnsayderlər qeyd ediblər ki, şirkət 500$ dəyərində satış qiymətinə hədəflənib. Gözləntilərə əsasən Nothing Phone (1) smartfonu bir neçə müddət bundan öncə təqdim edilmiş Snapdragon 7 Gen 1 prosessoru ilə təchiz olunacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi 12 Ultra ləğv edilib: Onu digər flaqman smartfon əvəz edəcək

Şirkət istifadəçilər üçün onun digər alternativi olan yeni flaqman smartfon təqdim edəcək...


Nothing Phone (1)-in hansı prosessora sahib olacağı rəsmi şəkildə məlum olub..

Nothing şirkətinin rəhbəri Carl Pei təqdimata hazırlaşan Nothing Phone (1)-in ən vacib özəlliyi barə..


Məşhur jurnalist: 'iPhone 14 Pro modellərində çoxdan gözlənilən Always on Displa..

Bloomberg saytının jurnalisti Mark Gurman bildirib ki, iPhone 14 Pro və iPhone 14 Pro Max modellərin..


Nothing Phone (1)-in satış qiymətləri barəsində məlumat verilib

Son zamanlar Nothing Phone (1) barəsində məlumatlar daimi şəkildə ortaya çıxır.


HTC metakainat üçün nəzərdə tutulmuş Desire 22 Pro adlı yeni smartfonunu təqdim ..

HTC şirkəti söz verdiyi kimi Viverse adlı metakainata qoşulmaq üçün nəzərdə tutulmuş Desire 22 Pro a..


Xiaomi 12 Lite smartfonunun qutu açılışı videosu ortaya çıxıb (VİDEO)

Xiaomi 12 smartfonunun Lite modelinin təqdimatını gözləmədən insayderlər onun qutu açılışı videosunu..

×