Nothing tam ölçülü naqilsiz qulaqlıq üzərində çalışdığını təsdiqləyib

     Nothing şirkəti yaxın zamanda tam ölçülü qulaqlığının istehsalına başlayacaq və bu məhsul yay aylarında təqdim olunacaq. Nothing-in YouTube səhifəsində şirkətin dizaynerləri ilə müsahibə yayımlanıb. Onlar yeni məhsul üzərində işlədiklərini təsdiqləyib və bildiriblər ki, bu qulaqlığa keçid edən AirPods Max istifadəçiləri məyus olmayacaqlar, baxmayaraq ki, yeni qulaqlıq daha ucuz olacaq. Keçən həftə Nothing Britaniyanın audio cihazları istehsalçısı KEF ilə uzunmüddətli strateji tərəfdaşlıq elan etdi. Məqsəd, KEF-in 60 illik Hi-Fi audio sahəsindəki təcrübəsini Nothing-in texnologiyalara dizayn yönümlü yanaşması ilə birləşdirərək birgə akustik məhsullar hazırlamaqdır.

     Görünən odur ki, tam ölçülü qulaqlıq bu əməkdaşlığın ilk məhsullarından biri olacaq. Nothing şirkətinin dizaynerlərinin sözlərinə görə, hazırlanan yeni qulaqlıq unikal dizayna sahib olacaq və onları taxdığınız zaman sizin haqqınızda nəsə deyəcək. Hər halda, bu qulaqlıq bazarda mövcud olan digər modellərdən fərqlənəcək. Dizaynerlər həmçinin bildiriblər ki, qulaqlığın quruluşu idarəetmə düymələrinin dəqiq yerləşməsini nəzərdə tutur ki, bu da musiqinin idarə olunmasında qarışıqlığın qarşısını alacaq.

     Onlar qulaqlığın səs keyfiyyətinə görə bazarda ən yaxşılar arasında olacağını vəd etməsələr də, qiymətinə baxmayaraq, musiqi dinləmə keyfiyyəti istifadəçiləri məyus etməyəcək. Məlumatına əsasən Nothing şirkətinin tam ölçülü qulaqlıq üzərində işlədiyinə dair ilk şayiələr fevral ayında yayılıb. Həmin vaxt şirkət, iddialara görə, SGS Fimko-da B170 model nömrəsi ilə naqilsiz qulaqlıq kimi qeyd olunan bir taxıla bilən cihazın sertifikatlaşdırılmasını həyata keçirmişdi.

Mənbə: GSMarena