Növbəti iPhone SE-də olacaq ekran barəsində məlumatlar verilib
Cihazlar+
28.03.2024
Emil
Apple şirkətinin hal-hazırda heç şübhəsiz üzərində çalışdığı növbəti iPhone SE smartfonu barəsində məlumatlar internetdə ortaya çıxmağa davam edir. IThome saytının vermiş olduğu yeni məlumata əsasən Apple növbəti iPhone SE-yə Çinin BOE şirkətinin istehsalı olan ekranını quraşdırmağı planlaşdırır. Söhbət, 6.1 düym ölçülü OLED ekrandan gedir. Məlumatda qeyd edilib ki, növbəti iPhone SE üçün ekran mövzusunda Apple ilk növbədə Samsung Display və Tianma şirkətləri ilə danışıqlar aparıb.
Samsung Display halında tərəflər qiymət mövzusunda razılığa gələ bilməyiblər. Belə ki, Apple hər bir ekran üçün 25$ təklif etdiyi halda Samsung Display 30$ istəyib. Tianma istehsalı olan ekranlara gəldikdə isə Apple şirkətini həmin ekranların keyfiyyətləri qane etməyib. Bu səbəbdən də Apple növbəti iPhone SE-nin ekranı mövzusunda Çinin BOE şirkəti ilə əməkdaşlıq etmək qərarına gəlib. Qeyd etmək lazımdır ki, növbəti iPhone SE-nin gələn il təqdim olunacağı gözlənilir.
Paylaş
Ən çox oxunanlar
Süni zəka qlobal pandemiya riskini artıra bilər
