Növbəti iPhone SE-nin maketlərinin fotoları təqdim edilib

     Artıq bir neçə aydır ki, mütəmadi şəkildə növbəti iPhone SE barəsində müxtəlif məlumatlar ortaya çıxır. Bu smartfonun bu ilin birinci yarısında təqdim olunacağı gözlənilir. İndi isə insayderlər növbəti iPhone SE-nin maketlərini əks etdirən iki ədəd fotonu təqdim ediblər. Fotolardan birində smartfonun arxa paneli, digərində isə kənar hissəsi sərgilənib. Fotolardan biri sayəsində aydın olur ki, növbəti iPhone SE smartfonu bir ədəd arxa kameranı əldə edəcək.

     O, arxa panelin yuxarı sol hissəsində yerləşəcək. İkinci fotoda isə görmək olar ki, smartfonun kənar hissələri yastı olacaqlar. Gözləntilərə əsasən növbəti iPhone SE modeli 6.1 düym ölçülü OLED ekranla təchiz olunacaq və onun ekranı üzərində iPhone 14-dəki kimi ənənəvi çıxıntı hissə olacaq. Smartfon özündə Face ID texnologiyasını birləşdirməlidir. Son məlumat sızıntılarına inansaq, növbəti iPhone SE smartfonu Apple A18 prosessoru vasitəsilə çalışacaq, 8 GB RAM-ı əldə edəcək və Apple Intelligence ekosisteminin dəstəyinə sahib olacaq.

Bənzər xəbərlər

Cihazlar+

iPhone 17 Air və Galaxy S25 Slim kiçik həcmli batareyaya sahib ola bilərlər

Samsung-un 22 yanvar tarixində təqdim edəcəyi Galaxy S25 smartfon seriyasına nazik gövdəli Galaxy S25 Slim modeli daxil olacaq. Üstəlik son məlumat sızıntılarına əsasən Apple şirkəti də bu ilin ikinci yarısında öz nazik gövdəli smartfonunu təqdim edəcək.

Cihazlar+

iPad Air 2025 planşetinin hansı prosessoru əldə edə biləcəyi açıqlanıb

Apple şirkəti bu il ərzində növbəti iPad Air planşetini təqdim etməlidir. Bloomberg saytının məşhur insayderi Mark Gurman öz növbəsində növbəti iPad Air planşeti barəsində təfərrüatları təqdim edib.

Cihazlar+

Apple bu il növbəti Watch SE smart saatını təqdim edəcək

Hər il olduğu kimi bu il də Apple şirkətindən bir çox yenilik gözlənilir. Onların arasında yeni iPhone smartfonları, iPad planşetləri, Apple Watch smart saatları, MacBook noutbukları və s. olacaq.

Cihazlar+

11-ci nəsil iPad planşetinin nə zaman satışa çıxacağı açıqlanıb

Apple şirkəti bu il yeni iPad planşetlərini təqdim etməlidir. Gözləntilərə əsasən onlardan biri də 11-ci nəsil adi iPad modeli olacaq.

Cihazlar+

Apple bu il HomePod mini 2 və yeni Apple TV-ni təqdim edəcək

Son məlumat sızıntılarına əsasən Apple şirkəti yaxın illər üçün əsas prioriteti kimi smart ev sistemlərini təyin edib. Bu səbəbdən də şirkət yaxın illərdə bu istiqamətdə ilk məhsullarını təqdim edə bilər.