Nubia Red Magic 8S Pro flaqman smartfonunun təqdimat tarixi rəsmi şəkildə məlum olub

    Nubia şirkəti Red Magic 8S Pro flaqman smartfonunun təqdimatına dəvətləri göndərməyə başlayıb. Smartfon 5 iyul tarixində təqdim ediləcək. Qeyd etmək lazımdır ki, Red Magic 8S Pro-nun Snapdragon 8 Gen 2 prosessorunun daha sürətləndirilmiş versiyası vasitəsilə çalışacaq. Belə ki, daha öncə smartfonun prototipinin AnTuTu testi çərçivəsində 1.7 milyon xal topladığı ortaya çıxdı. Müqayisə üçün qeyd etmək lazımdır ki, Snapdragon 8 Gen 2-nin adi versiyası AnTuTu testi çərçivəsində 1.3 milyon xal toplayır. Son məlumat sızıntılarına əsasən nubia Red Magic 8S Pro smartfonu 120 Hz-lik təsvir yenilənməsinə sahib 6.8 düym ölçülü OLED ekran, üçlü arxa kamera, 16 MP-lik ön kamera və 5000 mAh enerji tutumlu batareya ilə təchiz olunacaq.