Nubia Red Magic 9 Pro və Magic 9 Pro+ smartfonları təqdim edilib - QİYMƏTİ
Cihazlar+
23.11.2023
Emil Nəcəfov
Nubia şirkəti Çində keçirtmiş olduğu təqdimat tədbiri çərçivəsində Red Magic 9 Pro və Red Magic 9 Pro+ smartfonlarını təqdim edib. Sözügedən smartfonlar özlərində yüksək performansı və təkmilləşdirilmiş soyutma sistemi ilə yanaşı keyfiyyətli ekranları və böyük həcmli batareyaları birləşdirirlər. İlk növbədə qeyd etmək lazımdır ki, bu yeni smartfonlar xarici görünüşcə bir-birilərinə bənzəyirlər. Onlar sadəcə olaraq bəzi texniki göstəricilər baxımından bir-birilərindən fərqlənirlər. Beləliklə həm Red Magic 9 Pro həm də Red Magic 9 Pro+ 120 Hz-lik təsvir yenilənməsinə sahib 2480x1116 piksel keyfiyyətli 6.8 düym OLED ekranla təchiz olunub. Hər iki smartfonda ekranın maksimal parlaqlıq səviyyəsi 1000 nit təşkil edir. Barmaq izi skanı texnologiyası da bu smartfonlarda ekranlara inteqrasiya edilib.
Onu da qeyd etmək lazımdır ki, ekranlar üzərində heç bir çıxıntı yoxdur. Belə ki, ön kamera ekranların alt hissələrinə yerləşdirilib. Smartfonlar özlərində kontaktsız ödənişlər üçün nəzərdə tutulmuş NFC çipi, stereo səsgücləndiriciləri və naqilli qulaqlıqlar üçün 3.5 mm-lik audiogirişi birləşdirirlər. Red Magic 9 Pro smartfonları yastı dizaynı əldə ediblər. Onların hətta arxa kameraları da gövdə səthindən kənara çıxmırlar. Sözügedən smartfonlarda soyutma sistemi qismində 10182 kvadrat mm ölçüsündə olan buxarlanma kamerası və dəqiqədə 22 000 dövr etməyi bacaran kiçik ölçülü pər çıxış edir. Əsas texniki göstəricilər baxımından qeyd etmək lazımdır ki, hər iki smartfon Snapdragon 8 Gen 3 prosessoru, 50 MP + 50 MP + 2 MP üçlü arxa kamera və 16 MP-lik ön kamera ilə təchiz olunub.
Digər texniki göstəricilərə gəldikdə isə Red Magic 9 Pro modeli 8/12 GB RAM-a və 256/512 GB daxili yaddaş həcminə, Red Magic 9 Pro+ modeli isə 16/24 GB RAM-a və 256/512 GB/1 TB daxili yaddaş həcminə sahibdir. Red Magic 9 Pro modeli özündə 80 vatt gücündə sürətli şarj texnologiyalı 6500 mAh enerji tutumlu batareyanı, Red Magic 9 Pro+ modeli isə özündə 165 vatt gücündə sürətli şarj texnologiyalı 5500 mAh enerji tutumlu batareyanı birləşdirir. Hər iki smartfon qutudan Android 14 vasitəsilə çalışır. Sözügedən smartfonlar həmçinin pər hissədə RGB işıqlandırmaya və mobil oyunlarda idarəetmə üçün nəzərdə tutulmuş sensorlu düymələrə sahibdirlər. Smartfonlar artıq Çin bazarında satışa çıxıblar. Onların qlobal bazarda nə zaman satılacaqları barəsində isə hələ məlumat verilməyib. Red Magic 9 Pro ilə Red Magic 9 Pro+ modellərinin Çin bazarındakı satış qiymətləri aşağıdakı kimidir.
- 8 GB RAM-a və 256 GB yaddaşa sahib Red Magic 9 Pro - 620$
- 12 GB RAM-a və 256 GB yaddaşa sahib Red Magic 9 Pro - 677$
- 12 GB RAM-a və 256 GB yaddaşa sahib Red Magic 9 Pro (şəffaf gövdə dizaynı) - 705$
- 12 GB RAM-a və 512 GB yaddaşa sahib Red Magic 9 Pro - 733$
- 12 GB RAM-a və 512 GB yaddaşa sahib Red Magic 9 Pro (şəffaf gövdə dizaynı) - 761$
- 16 GB RAM-a və 256 GB yaddaşa sahib Red Magic 9 Pro+ - 775$
- 16 GB RAM-a və 256 GB yaddaşa sahib Red Magic 9 Pro+ (şəffaf gövdə dizaynı) - 804$
- 16 GB RAM-a və 512 GB yaddaşa sahib Red Magic 9 Pro+ - 818$
- 16 GB RAM-a və 512 GB yaddaşa sahib Red Magic 9 Pro+ (şəffaf gövdə dizaynı) - 846$
- 24 GB RAM-a və 1 TB yaddaşa sahib Red Magic 9 Pro+ - 987$.
Linki kopyala
Bənzər xəbərlər
Oxşar xəbərlər
Nubia Red Magic 9 Pro-nun hansı gücdə sürətli şarj texnologiyasını əldə edəcəyi rəsmi şəkildə məlum olub
Nubia Red Magic 9 Pro-nun hansı gücdə sürətli şarj texnologiyasını əldə edəcəyi rəsmi şəkildə məlum olub
Artıq 23 noyabr tarixində Nubia şirkəti Red Magic 9 Pro flaqman smartfonunu təqdim edəcək.
Nubia Red Magic 9 Pro təqdimatdan öncə AnTuTu testlərindən keçib
Nubia Red Magic 9 Pro təqdimatdan öncə AnTuTu testlərindən keçib
Nubia Red Magic 9 Pro flaqman smartfonunun təqdimatına sayılı günlər qalıb.
Nubia Red Magic 9 Pro+ smartfonunun unboxing videosu ortaya çıxıb (VİDEO)
Nubia Red Magic 9 Pro+ smartfonunun unboxing videosu ortaya çıxıb (VİDEO)
Nubia şirkətinin Magic 9 Pro gaming smartfonunun təqdimatına sayılı günlər qalmış Youtube bloggerlərindən birinin əllərinə Magic 9 Pro+ modeli düşüb.
Nubia Red Magic 9 Pro-nun batareya həcmi məlum olub
Nubia Red Magic 9 Pro-nun batareya həcmi məlum olub
Nubia şirkəti 23 noyabr tarixində Red Magic 9 Pro gaming smartfonunu təqdim edəcək.
Nubia Red Magic 9 Pro-nun fotoları rəsmi şəkildə təqdim edilib
Nubia Red Magic 9 Pro-nun fotoları rəsmi şəkildə təqdim edilib
Artıq rəsmi olaraq məlumdur ki, Nubia şirkəti 23 noyabr tarixində Red Magic 9 Pro gaming smartfonunu təqdim edəcək.
Həftənin xəbərləri
