Ofis işləri və media kontentlər üçün ViewSonic VP2776T-4K monitoru təqdim edilib

     ViewSonic şirkəti ofis işləri və müxtəlif kontentlərlə çalışmaq üçün nəzərdə tutulmuş yeni monitorunu təqdim edib. Şirkətin yeni monitoru ViewSonic VP2776T-4K adlanır. Beləliklə bu yeni monitor 75 Hz-lik təsvir yenilənməsinə sahib 4K keyfiyyətli 27 düym ölçülü Nano IPS ekranla təchiz olunub. Ekranın maksimal parlaqlıq səviyyəsi 400 nit, istifadəçi əməliyyatlarına reaksiya müddəti isə 5 millisaniyə təşkil edir. Ekran 10 bit-lik rəngləri dəstəkləyir və sRGB rəng diapazonunun 100%-ni, DCI-P3 rəng diapazonunun isə 95%-ni əhatə edir. Monitor özündə 3 vatt gücündə iki ədəd səsgücləndiricini və HDMI 2.1, DisplayPort 1.4, Thunderbolt 4, USB-A 3.2, USB-B 3.2, USB-C 3.2 girişlərini birləşdirir. Thunderbolt 4 girişlərindən biri USB-C-dir və o, digər cihazları şarj etmək üçün 100 vatt çıxış gücünə sahibdir. ViewSonic VP2776T-4K-nın nə zaman satışa çıxacağı və hansı qiymətə satılacağı açıqlanmayıb.