OnePlus bu ilin əvvəlində OnePlus 11 flaqman smartfonunu təqdim etmişdi. İndi isə şirkət onun davamçısı olacaq OnePlus 12 üzərində çalışır. İnsayderlər isə hazırlanan yeni flaqman smartfonun texniki özəllikləri barəsində məlumatları təqdim ediblər. Onların sözlərinə əsasən şirkət artıq OnePlus 12-ni test edir. Məlumata əsasən smartfon 120 Hz-lik təsvir yenilənməsinə sahib Quad HD keyfiyyətli 6.7 düym ekran ilə təchiz olunacaq. Smartfon Snapdragon 8 Gen 3 prosessoru vasitəsilə çalışacaq və özündə 64 MP + 50 MP + 50 MP üçlü arxa kameranı və 100 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Gözləntilərə əsasən OnePlus 12 bu ilin dekabr ayında Çində və daha sonra qlobal bazarda təqdim olunacaq.