OnePlus 12-nin texniki göstəriciləri nüfuzlu insayder tərəfindən təqdim edilib

    OnLeaks ləqəbli məşhur insayder bir neçə müddət bundan öncə OnePlus 12-nin render fotolarını təqdim etmişdi. İndi isə o, sözügedıən smartfonun texniki göstəricilərini təqdim edib. Beləliklə insayderin sözlərinə əsasən OnePlus 12 flaqman smartfonu 120 Hz-lik təsvir yenilənməsinə sahib 2K keyfiyyətli 6.7 düym AMOLED LTPO ekran ilə təchiz olunacaq. Barmaq izi skanı texnologiyası birbaşa ekrana inteqrasiya ediləcək.

    Smartfon Snapdragon 8 Gen 3 prosessoru vasitəsilə çalışacaq və özündə LPDDR5X standartlı RAM yaddaşını və UFS 4.0 standartlı daxili yaddaş həcmini birləşdirəcək. İnsayderin sözlərinə əsasən smartfon 64 MP + 50 MP + 50 MP üçlü arxa kamera, 32 MP-lik ön kamera və 100 vatt gücündə sürətli şarj texnologiyalı 5400 mAh enerji tutumlu batareya ilə təchiz olunacaq. O həmçinin 50 vatt gücündə sürətli naqilsiz şarj texnologiyasının da dəstəyinə sahib olacaq. OnePlus 12-nin Çin bazarında bu ilin dekabr ayında təqdim ediləcəyi gözlənilir. Onun qlobal bazarda təqdimatı isə gələn ilin yanvar və ya fevral ayı üçün gözlənilir.