OnePlus 15 smartfonu Geekbench testlərindən keçib

     Gözləntilərə əsasən OnePlus şirkəti öz növbəti flaqman smartfonu olacaq OnePlus 15-i ilin sonuna kimi təqdim edəcək. İndi isə məlum olub ki, bu smartfon Geekbench testlərindən keçib. Bunun sayəsində smartfon barəsində bəzi təfərrüatlar ortaya çıxıb. Geekbench-in məlumatlar bazasına əsasən OnePlus 15-in prosessoru özündə 6 ədəd 3.63 GHz tezlikli nüvəni və 2 ədəd 4.61 GHz tezlikli nüvəni birləşdirir. Bu göstəricilər isə təqdimata hazırlaşan Snapdragon 8 Elite 5 flaqman prosessoruna işarə edirlər. Geekbench testlərindən OnePlus 15-in 16 GB RAM-a sahib versiyası keçib. Bununla yanaşı Geekbench sayəsində məlum olub ki, smartfon qutudan Android 16-nı əldə edəcək. Smartfon Geekbench-in birnüvəli testi çərçivəsində 3709 xal, çoxnüvəli testi çərçivəsində isə 11000 xal toplayıb.