OnePlus Ace 2 Pro barəsində yeni məlumatlar ortaya çıxıb

    OnePlus hal hazırda OnePlus 12 ilə yanaşı OnePlus Ace 2 Pro üzərində də çalışır. İnsayderlər Ace 2 Pro barəsində yeni məlumatları təqdim ediblər. Beləliklə insayderlərin sözlərinə əsasən smartfon 120 Hz-lik təsvir yenilənməsinə sahib OLED ekran ilə təchiz olunacaq. Bununla yanaşı OnePlus Ace 2 Pro Snapdragon 8 Gen 2 prosessoru vasitəsilə çalışacaq və özündə 16 GB-a kimi RAM-ı, 50 MP + 8 MP + 2 MP üçlü arxa kameranı, 16 MP-lik ön kameranı və 120 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Smartfon qutudan OxygenOS 13 interfeysli Android 13 vasitəsilə çalışacaq. OnePlus Ace 2 Pro-nun nə zaman təqdim olunacağı hələ bilinmir. Lakin məlumdur ki, o həm Çin bazarında həm də qlobal bazarda satışa çıxacaq. Qlobal bazarda smartfon böyük ehtimal ilə OnePlus 11T adı ilə satılacaq.