Bir neçə müddət bundan öncə insayderlər bildirmişdilər ki, OnePlus şirkəti Ace 2 Pro smartfonu üzərində çalışır. İnsayderlər qeyd etmişdilər ki, OnePlus Ace 2 Pro smartfonu Snapdragon 8 Gen 2 prosessoru vasitəsilə çalışacaq. İndi isə Digital Chat Station ləqəbli məşhur insayder sözügedən smartfon barəsində yeni məlumatları təqdim edib. Beləliklə insayderin sözlərinə əsasən Ace 2 Pro smartfonu 1.5K keyfiyyətli AMOLED ekrana sahib olacaq və ekran ətrafı çərçivələr maksimal dərəcədə nazik olacaqlar.

    Smartfon özündə 16 GB-a kimi RAM-ı və 512 GB-a kimi daxili yaddaş həcmini birləşdirəcək. Bununla yanaşı insayder təsdiqləyib ki, Ace 2 Pro həqiqətən də Snapdragon 8 Gen 2 prosessoru vasitəsilə çalışacaq. Smartfonun üçlü arxa kamera ilə təchiz olunacağı və onlardan ən əsasının 50 MP-lik olacağı gözlənilir. Ön kamera isə 16 MP-lik olacaq. Böyük ehtimal ilə Ace 2 Pro 100 vatt gücündə sürətli şarj texnologiyalı 5000 mAh enerji tutumlu batareyaya sahib olacaq. OnePlus Ace 2 Pro-nun bu ilin üçüncü rübündə təqdim olunacağı güman edilir.