OnePlus Ace 2 Pro-nun texniki göstəriciləri məlum olub

    OnePlus şirkəti gələn ay ilk qatlana bilən smartfonu ilə yanaşı həmçinin OnePlus Ace 2 Pro flaqman smartfonunu da təqdim etməlidir. İndi isə insayderlər OnePlus Ace 2 Pro smartfonunun texniki göstəricilərini təqdim ediblər. Onların sözlərinə əsasən smartfon 120 Hz-lik təsvir yenilənməsinə sahib 1.5K keyfiyyətli 6.74 düym OLED ekran ilə təchiz olunacaq. Smartfon Snapdragon 8 Gen 2 prosessoru vasitəsilə çalışacaq və özündə 24 GB-a kimi RAM-ı və 1 TB-a kimi daxili yaddaş həcmini birləşdirəcək. Məlumatda qeyd edilib ki, OnePlus Ace 2 Pro 50 MP + 8 MP + 2 MP üçlü arxa kameraya, 16 MP-lik ön kameraya və 150 vatt gücündə sürətli şarj texnologiyalı 5000 mAh enerji tutumlu batareyaya sahib olacaq.