İnsayderlər OnePlus tərəfindən hazırlanan OnePlus Nord 3 smartfonu barəsində yeni məlumatları təqdim ediblər. Onların sözlərinə əsasən OnePlus Nord 3 smartfonu yeni növ infraqırmızı sensor ilə təchiz olunacaq. Bunun sayəsində smartfon vasitəsilə televizoru və ya kondisioneri idarə etmək mümkün olacaq. Smartfonda bunun üçün hətta ayrıca tətbiq də mövcud olacaq. Məlumdur ki, OnePlus Nord 3 smartfonu 120 Hz-lik təsvir yenilənməsinə sahib 1.5K keyfiyyətli 6.7 düym AMOLED ekran ilə təchiz olunacaq. Smartfonun MediaTek Dimensity 9000 prosessoru vasitəsilə çalışacağı və özündə 64 MP + 8 MP + 2 MP üçlü arxa kameranı, 16 MP-lik ön kameranı və 80 vatt gücündə sürətli şarj texnologiyalı 5000 mAh enerji tutumlu batareyanı birləşdirəcəyi gözlənilir. OnePlus Nord 3 ya bu ayın sonunda ya da gələn ayın əvvəlində təqdim olunmalıdır.