Hələ təqdim olunmamış OnePlus Nord 3 smartfonu barəsində məlumatlar son zamanlarda tez-tez ortaya çıxır. İndi isə sözügedən smartfonun real fotoları ortaya çıxıb. Ortaya çıxmış real fotolar OnePlus Nord 3-ü həm ön həm də arxa paneldən olan dizaynını sərgiləyirlər. Fotolardan da görmək olar ki, OnePlus Nord 3 xarici görünüşcə OnePlus Ace 2V-nin kopyasıdır. Bu isə o deməkdir ki, OnePlus Nord 3 modeli OnePlus Ace 2V-nin qlobal versiyası olacaq.

    Son məlumat sızıntılarına əsasən OnePlus Nord 3 smartfonu 120 Hz-lik təsvir yenilənməsinə sahib 2772x1240 piksel keyfiyyətli 6.74 düym OLED ekran ilə təchiz olunacaq. Ekranın yuxarı mərkəz hissəsində isə ön kamera üçün nəzərdə tutulmuş kiçik dairəvi çıxıntı yerləşəcək. Smartfonun MediaTek Dimensity 9000 prosessoru vasitəsilə çalışacağı və özündə 64 MP + 8 MP + 2 MP üçlü arxa kamera ilə 80 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. OnePlus Nord 3-ün ya iyun ya da iyul ayında təqdim ediləcəyi güman edilir.