OnePlus Nord 3-ün satış qiymətləri ortaya çıxıb

    OnePlus şirkəti hal hazırda OnePlus Nord 3 smartfonunun təqdimatına hazırlaşır. Dünən sözügedən smartfonun yeni render fotoları təqdim edilmişdi. İndi isə OnePlus Nord 3-ün satış qiymətləri barəsində məlumat verilib. Təqdim edilmiş satış qiymətləri smartfonun Avropa bazarı üçün nəzərdə tutulub. Beləliklə verilmiş məlumata əsasən OnePlus Nord 3-ün 8 GB RAM-a və 128 GB yaddaş həcminə sahib versiyası 449 avroya, 16 GB RAM-a və 256 GB yaddaşa sahib versiyası isə 549 avroya satılacaq. Son məlumat sızıntılarına əsasən OnePlus Nord 3 smartfonu 120 Hz-lik təsvir yenilənməsinə sahib Full HD+ keyfiyyətli 6.74 düym AMOLED ekran, MediaTek Dimensity 9000 prosessoru, 50 MP + 8 MP + 2 MP üçlü arxa kamera, 16 MP-lik ön kamera və 5000 mAh enerji tutumlu batareya ilə təchiz olunacaq. Smartfonun bu ay təqdim ediləcəyi gözlənilir.