OnePlus şirkəti OnePlus 12 smartfonunun testlərinə start verib

    OnePlus şirkəti bu ilin əvvəlində OnePlus 11 smartfonunu təqdim etmişdi. İndi isə şirkət onun davamçısı üzərində çalışır. Söhbət, OnePlus 12-dən gedir. İnsayderlərin sözlərinə əsasən şirkət artıq OnePlus 12-ni test edir və test edilən model periskop kamera obyektivinə sahibdir. Bununla yanaşı insayderlər bildiriblər ki, OnePlus 12 smartfonu Snapdragon 8 Gen 3 prosessoru vasitəsilə çalışacaq. Smartfon barəsində digər bir məlumat təqdim edilməyib. OnePlus 12-ni yaxın zamanda gözləmək lazım deyil. Onun bu ilin sonunda və ya gələn ilin əvvəlində təqdim ediləcəyi güman edilir.