OPPO Air Glass 3 adlı yeni konseptual AR eynək təqdim edilib
OPPO şirkəti MWC 2024 sərgisi çərçivəsində Air Glass 3 adlı AR eynək prototipini sərgiləyib. Bu AR eynəyin əsas fərqləndirici tərəfi isə ondadır ki, o, süni zəka dəstəyinə sahibdir. OPPO-nun bu yeni AR eynəyi dünyanın ən yüngül AR eynəyi statusunu qazana bilər. Belə ki, onun çəkisi cəmi 50 qramm təşkil edir. OPPO Air Glass 3 adi eynək dizaynına sahibdir. Bununla yanaşı sözügedən AR eynək özündə səsli köməkçini və OPPO-nun AndesGPT adlı çat-botu əsasında çalışan süni zəkanı birləşdirir. Yüngül konstruksiyaya sahib olmasına baxmayaraq OPPO Air Glass 3 olduqca parlaq ekranlara sahibdir. Belə ki, AR eynəyin ekranlarının maksimal parlaqlıq səviyyələri 1000 nit təşkil edir. Bu cür parlaqlıq səviyyəsi isə Spark adlı mikroproyektor tərəfindən təmin olunur. OPPO Air Glass 3 hal-hazırda prototip mərhələsində olduğu üçün onun nə zaman və hansı qiymətə satışa çıxacağı məlum deyil.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
