Orta büdcəli Moto G Power 2025 və Moto G 2025 smartfonları təqdim edilib - QİYMƏTİ

     Motorola şirkəti yeni ildə ilik smartfonlarını təqdim edib. Söhbət, Moto G Power 2025 və Moto G 2025 adlı orta büdcəli smartfonlardan gedir. Bu yeni smartfonlar xarici görünüşcə və bəzi texniki imkanlar baxımından bir-birilərinin kopyalarıdır. Beləliklə Moto G Power 2025 modeli 120 Hz-lik təsvir yenilənməsinə sahib Full HD+ keyfiyyətli 6.8 düym ölçülü LCD ekranla, Moto G 2025 modeli isə 120 Hz-lik təsvir yenilənməsinə sahib Full HD+ keyfiyyətli 6.7 düym ölçülü LCD ekranla təchiz olunub.

     Moto G Power 2025 modelinin ekranı Gorilla Glass 5 qoruyucu şüşəsi ilə, Moto G 2025 modelinin ekranı isə Gorilla Glass 3 qoruyucu şüşəsi ilə əhatə olunub. Bununla yanaşı Moto G Power 2025 modelinin gövdəsi IP69 standartı üzrə sudan qorunma özəlliyinə sahibdir və MIL-STD-810H hərbi standartının tələblərinə cavab verir. Moto G 2025 modelinin gövdəsi isə IP52 standartı üzrə sudan qorunma özəlliyinə sahibdir. Hər iki smartfon MediaTek Dimensity 6300 prosessoru vasitəsilə çalışır.

     Moto G Power 2025 modeli 8 GB RAM ilə 128 GB daxili yaddaş həcmini, Moto G 2025 modeli isə 6/8 GB RAM ilə 64/128 GB daxili yaddaş həcmini əldə edib. Kameralar mövzusunda Moto G Power 2025 modeli 50 MP + 8 MP ikili arxa kameraya və 16 MP-lik ön kameraya, Moto G 2025 modeli isə 50 MP + 2 MP ikili arxa kameraya və 16 MP-lik ön kameraya sahibdir. Hər iki smartfon 30 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Moto G 2025 modeli bu ayın sonunda satışa çıxacaq və onun qiyməti 199$-dan start götürəcək. Moto G Power 2025-ə gəldikdə isə o, gələn ayın əvvəlində 299$ qiymətində satışa çıxacaq.

Bənzər xəbərlər

Tech-Biznes

Motorola smartfonlarına ABŞ-da qadağan qoyula bilər

ABŞ Beynəlxalq Ticarət Komissiyası (ITC) İsveçin telekommunikasiya şirkəti olan Ericsson ilə Motorola arasındakı patent mübahisəsində məhz Ericsson-un lehinə qərar çıxarıb.

Cihazlar+

Moto G15 və G15 Power smartfonları təqdim edilib

Motorola şirkəti büdcəli Moto G05 ilə yanaşı daha iki yeni smartfonunu da təqdim edib. Şirkətin əlavə iki yeni smartfonu Moto G15 və G15 Power adlanırlar.

Cihazlar+

Büdcəli Moto G05 smartfonu təqdim edilib

Motorola şirkəti yeni büdcəli smartfonunu təqdim edib. Söhbət, Moto G05-dən gedir. Motorola-nın bu yeni smartfonu böyük ölçülü ekranı, MediaTek Helio prosessorunu və böyük həcmli batareyanı əldə edib.

Cihazlar+

Orta büdcəli Moto G15-in render fotosu və texniki imkanları təqdim edilib

Bir neçə müddət bundan öncə məlumat ortaya çıxmışdı ki, Motorola şirkəti Moto G15 adlı yeni orta büdcəli smartfonunu təqdim etməyə hazırlaşır.

Cihazlar+

Qatlana bilən smartfonların satışları aşağı düşməyə başlayıb

Counterpoint analitik şirkətinin mütəxəssisləri qatlana bilən smartfonlar bazarındakı vəziyyət ilə bağlı yeni hesabatı təqdim ediblər. Təqdim edilmiş hesabat bu ilin üçüncü rübündəki göstəricilərə əsaslanır.