Philips Evnia 27M2C5200W gaming monitoru təqdim edilib - QİYMƏTİ

     Philips şirkəti özünün Evina adlı gaming monitor seriyasının yeni modelini təqdimb edib. Şirkətin yeni gaming monitoru Philips Evnia 27M2C5200W adlanır. Beləliklə bu yeni gaming monitor 280 Hz-lik təsvir yenilənməsinə sahib Full HD keyfiyyətli 27 düym ölçülü Fast VA ekranla təchiz olunub. Ekranın maksimal parlaqlıq səviyyəsi 300 nit, istifadəçi əməliyyatlarına reaksiya müddəti isə 1 millisaniyə təşkil edir. Ekran HDR10 dəstəyinə sahibdir və o, sRGB rəng diapazonunun 121%-ni, NTSC rəng diapazonunun 108%-ni əhatə edir. Monitor özündə HDMI 2.0, DisplayPort 1.4 girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. Philips Evnia 27M2C5200W artıq Avropa bazarında 230 avro qiymətində satışa çıxıb.